چین ، جُڑواں بھائیوں کی جُڑواں بہنوں سے شادی ، پہچاننے میں پریشانی

چین میں حال ہی میں 2 ہم شکل جڑواں بھائیوں کی 2 ہم شکل جڑواں بہنوں سے شادی ہوئی اور ایک موقع پر تو عشایئے کے بعد ایک بھائی نے اپنی بھابھی کو اپنی اہلیہ سمجھ کر اس کا ہاتھ تھام لیا جس کے بعد دونوں بھائیوں نے معمولی سے پلاسٹک سرجری کرانے کا فیصلہ کیا ہے تاکہ ان کہ جڑوں دلہنوں کو انہیں پہچاننے میں کوئی دقت پیش نہ آسکے۔
دلچسپ بات یہ ہے کہ دونوں ہم شکل بھائیوں نے ہم شکل جڑواں بہنوں سے شادی کا فیصلہ کیا اور ان کی دلہنیں بھی آپس میں حیرت انگیز مشابہت رکھتی ہیں ۔شادی کے وقت دونوں کے گھروالوں اور دوستوں نے کئی مرتبہ لڑکے اور لڑکیوں کے نام اور کوائف بار بار چیک کیے تاکہ غلطی سے ان کی شادی میں کوئی غلطی نہ ہوجائے اور طے شدہ جوڑوں ہی کی آپس میں شادی ہوسکے۔
اس سے قبل ان دونوں بھائیوں کے سسرال میں بھی کئی لوگوں نے انہیں پہچاننے میں مشکل پیش آنے کی شکایت کی ہے کیونکہ ان دونوں کا قد برابر اور آواز بھی ایک جیسی ہے۔ اس لئے دوستوں اور اہلِ خانہ سے مشورے کے بعد ان دونوں بھائیوں نے یہ فیصلہ کیا ہے۔