لاس ویگاس میں منگل سے شروع ہونے والی سی ای ایس ٹیکنالوجی نمائش کے سلسلے میں لینووو نے یوگا 900 ایس نامی لیپ ٹاپ متعارف کرایا ہے۔
جس کی موٹائی محض آدھا انچ ہے جبکہ وزن ایک کلو گرام سے کچھ کم ہے اور کمپنی نے اسے دنیا کا سب سے پتلا کنورٹ ایبل لیپ ٹاپ قرار دیا ہے۔
یہ لیپ ٹاپ گزشتہ سال کے ماڈل کے مقابلے میں زیادہ پتلا اور ہلکا ہے جس میں انٹیل کے کور ایم پروسیسر کو شامل کیا گیا ہے۔
اس کی بیٹری لائف ساڑھے دس گھنٹے بتائی گئی ہے جبکہ اس میں ایکٹو پین سپورٹ بھی رکھی گئی ہے۔
اس لیپ ٹاپ کو رواں سال مارچ میں 1099 ڈالرز میں فروخت کے لیے پیش کیا جائے گا۔
لینووو نے اس کے ساتھ ساتھ درمیانی رینج کے لیپ ٹاپس 710 سیریز کو بھی متعارف کرایا ہے جن کا اسکرین سائز 13.3 انچ وزن، وزن ایک کلو گرام سے زیادہ اور آدھے انچ سے زیادہ موٹے ہیں۔
ان لیپ ٹاپس کی قیمت 799 ڈالرز رکھی گئی ہے۔